Արգենտինացի լեգենդար ֆուտբոլիստ Դիեգո Մարադոնան խոսել է իր 28-ամյա ընկերուհուց` Ռոսիո Օլիվոյից բաժամվելու և վերջինիս դատի տալու մասին։ «Ես կնոջը հարվածող տղամարդկանցից չեմ, բայց մեծ հաճույքով կպոկեի նրա գլուխը: Նա խախտել է կնքված պայմանագիրը՝ լրագրողների հետ շփման վերաբերյալ: Իսկ հիմա իր հանգիստն անցկացնում է իմ փողերով: Անկեղծ ասած՝ ես հիմար էի: Նա այլևս իմ կյանքում գոյություն չունի: Տունը, որը ես նվիրել եմ նրա ընտանիքին, ինձ է պատկանում: Ես պատրաստվում եմ այն պահպանել: Ես Ձմեռ Պապ չեմ, որ նվիրեմ մարդկանց այն, ինչ նրանք են ցանկանում: Ես աշխատում եմ, ինչպես մյուս մարդիկ այս աշխարհում»,- նշել է 58-ամյա Մարադոնան։ |