ԱՄՆ նախագահ Դոնալդ Թրամփը հայտարարել է, որ մտադիր է դիմել ժողովրդին: Այս մասին Թրամփը գրել է Twitter-ի իր էջում: «Հունվարի 19-ին ժամը 15:00-ին Սպիտակ տնից ուղիղ եթերով կդիմեմ ժողովրդին՝ կապված մեր հարավային սահմանին մարդասիրական ճգնաժամի և «շաթդաունի» հետ»,- գրել է Թրամփը: Նշենք, որ ավելի վաղ Կոնգրեսում Թրամփի ելույթը չեղարկվել էր՝ անվտանգության նկատառումներից ելնելով: Հավելենք, որ «շաթդաունը» սկսվել է 2018թ. դեկտեմբերի 22-ից, որը ենթադրում է դաշնային կառույցների աշխատանքի մասնակի դադարեցում: Տարվա մեջ երրորդ անգամ օրենսդիրներին չի հաջողվել դաշնային կառավարության ֆինանսավորման հարցով համաձայնության հասնել:
|