Արցախի «Ազգային վերածնունդ» կուսակցության անդամ Տիգրան Գրիգորյանը սոցկայքի իր էջում գրել է. «Արցախը բանակցային լիարժեք կողմ դարձնելու անհրաժեշտության մասին Փաշինյանի հայտարարություններից հետո Ադրբեջանը ակտիվացրել է «Լեռնայի Ղարաբաղի ադրբեջանական համայնք» միավորումը: Երիտասարդ մի դիվանագետի են նշանակել այդ կազմակերպության ղեկավար, ով հանդիպումներ է ունենում օտարերկրյա տարբեր պաշտոնյաների հետ, թվիթերում ամեն օր մեկնաբանում է տարբեր իրադարձություններ և նորություններ ու ակտիվ քարոզչությամբ է զբաղվում: Նպատակը, իհարկե, համայնքային ձևաչափ ստեղծելն է։ Ու ակնհայտ է, որ ամեն անգամ, երբ հայկական կողմը կխոսի Արցախը բանակցային սեղան վերադարձնելու անհրաժեշտության մասին, ադրբեջանցիները սրան են առաջ բրդելու: |