Հունվարի 21-ի երեկոյան, «Նարեկացի» արվեստի միությունում տեղի կունենա Կարի Ամիրխանյանի՝ «Երկխոսություն բնության հետ» խորագիրը կրող ցուցահանդեսի բացումը: Ցուցահանդեսին կներկայացվեն հեղինակի գրաֆիկական կոլաժները՝ ստեղծված բացառապես բնական բույսերից և նյութերից։ Սա մասնագիտությամբ բանասեր, լրագրող Կարի Ամիրխանյանի հինգերորդ ցուցահանդեսն է։ «Ժամանակին զուգընթաց սերը բնական նյութերի և գույների երանգավորման նկատմամբ շատ մեծացավ, և ես սկսեցի զբաղվել բույսերից ինքնատիպ կոլաժներ ստեղծելով»,- նշում է Կարի Ամիրխանյանը։ |