+22 °C, +14 °C ... +26 °C Վաղը`+27 °C
Ֆեյսբուքյան ասուլիսում Երևանի քաղաքապետ Հայկ Մարությանն անդրադարձավ վերջերս տարածված թեմային, թե ընտանի կենդանիների համար տերերը տարեկան պետք է վճարեն 5000 դրամ: «Դա բացարձակ ապատեղեկատվություն է, 5000 դրամ վճարելու մասին ոչ մի որոշում չկա»,- ասաց նա՝ տեղեկացնելով, որ գործելու է այլ սկզբունք: Կենդանիների տերերը պետք է ապահովեն նրանց չիպավորումը և պատվաստումները, իսկ ովքեր կհրաժարվեն, կտուգանվեն շատ խոշոր գումարներով: «Հինգ հազար դրամի դրույթը պետք է Ազգային ժողովը չեղյալ համարի: Մենք ուզում էինք խնդրել չեղյալ համարել այդ օրենքը, բայց դրա դիմաց կենդանիներ պահող բոլոր մարդկանց հորդորենք, խնդրենք, որ բոլոր կենդանիները գրանցվեն, չիպավորվեն, պատվաստվեն, քաղաքապետարանն այդ ամբողջ գործընթացը վերահսկելու է: Մենք պետք է այնպիսի միջավայր ստեղծենք, որ մարդիկ և կենդանիները իրար սիրեն: Այդ մարդիկ, ովքեր դավաճանաբար իրենց կենդանուն դուրս են հանում, չիպավորման միջոցով երբ մենք գտնենք այդ կենդանուն, տիրոջն էլ կգտնենք, և շատ մեծ տուգանքներ կլինեն, տուգանքներ կլինեն նաև, եթե կենդանիներին չեն պատվաստում»,- տեղեկացրեց Մարությանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am