Դավոսում վարչապետ Նիկոլ Փաշինյանը ոչ պաշտոնական հանդիպում է ունեցել Ադրբեջանի նախագահ Իլհամ Ալիևի հետ: Ինչպես հաղորդում է ՀՀ վարչապետի կայքը, հանդիպման ընթացքում զրուցակիցները մտքեր են փոխանակել Լեռնային Ղարաբաղի հակամարտության կարգավորման բանակցային գործընթացի ընթացիկ իրավիճակի և հետագա քննարկումների շուրջ: Ֆեյսբուքյան իր էջում Նիկոլ Փաշինյանը նշել է, որ հանդիպումը տևել է մոտ մեկուկես ժամ։ |