Օլիմպիական խաղերի ութակի չեմպիոն, ճամայկացի արագավազորդ Ուսեյն Բոլթը հայտարարել է, որ այլևս ֆուտբոլ չի խաղալու։ «Ամեն ինչ չէ ընթացել այնպես, ինչպես պետք է ընթանար: Ինձ իսկապես դուր էր գալիս թիմում լինելը: Ամեն ինչ հիանալի էր՝ մինչ ավարտվելը։ Մարզական կարիերաս ավարտված է: Հիմա փորձում եմ դառնալ հաջողակ գործարար»,- նշել է Բոլթը։ Հիշեցնենք, որ Բոլթը հանդես էր գալիս Ավստրալիայի «Սենթրալ Կոստ Մարիներս» թիմում, սակայն լքել է ակումբը՝ համաձայնության չգալով ղեկավարության հետ։ |