Թուրքական Sardes ընկերությունը Վենեսուելայից Թուրքիա է տեղափոխել 900 միլիոն դոլար ընդհանուր արժեքով ոսկի: Այս մասին հայտնում է Bloomberg-ը:

Ընկերությունն ի հայտ է եկել 2017 թվականին, 2 ամիս հետո այն բանից, երբ Վենեսուելայի նախագահ Նիկոլաս Մադուրոն այցելել է Թուրքիա ու հանդիպել Էրդողանին:

2018-ի առաջին ամսին ընկերությունը տեղափոխել է 41 միլիոն դոլարի ոսկի, հաջորդին՝ արդեն 100 միլիոն: Երկու երկրների հարաբերություններում սա աննախադեպ համագործակցություն է, նշում է գործակալությունը: