+16 °C, +16 °C ... +27 °C Վաղը`+26 °C
Իրավապաշտպան Արթուր Սաքունցը ֆեյսբուքյան իր էջում գրել է. «Կամ հաստատ չեք կարդացել մեր տեղեկանքները կամ էլ գիտակցաբար կեղծ պատկերացում եք փորձում ձևավորել հանրության շրջանում։ Ուրեմն տարիներ շարունակ՝ առնվազն 2013թ-ից, մշտապես մեր տեղեկանքներում, տարբեր մամուլի ասուլիսների, քննարկումների ժամանակ նշել ենք, բարձրաձայնել ենք խնդիրը, մտահոգությունը, որ բանակում մահացության բոլոր դեպքերի մասին պաշտոնական տեղեկություններ չեն ներկայացվում։ Այս առումով, «վտանգավոր նախադեպի» հետ գործ չունենք. նախադեպ կլիներ, եթե նախորդ տարիներին բոլոր դեպքերի մասին հայտարարեին, ու հիմա արդեն չհայտարարեին։ Հիմնական խնդիրն ու մտահոգությունը ( ոչ ՀՀԿ֊ի բնույթի), նրանում է, որ նախորդ տարիների մոտեցումը շարունակվում է, չի փոխվել։ Հանրությանը զինված ուժերում մահացության ամեն մի դեպքի մասին տեղեկություն պետք է տրամադրվի և վերջ։ Սա պետք է դիտարկել որպես կյանքի իրավունքի պաշտպանության պետության պարտավորության կատարման պահանջների շրջանակում։ Եվ նոր իշխանությունները, ՊՆ-ն պետք է կատարեն այդ պարտավորությունը ողջ ծավալով, թե քրեական գործ հարուցելու, թե արդյունավետ քննություն իրականացնելու, թե համարժեք փոխհատուցում տրամադրելու, թե նաև հանրությանը տեղեկություններ տրամադրելու առումներով»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am