Mamul.am
Ամբողջական տարբերակ
USD 475.92, EUR 527.46, RUB 7.22, GBP 578.43
+22 °C, +22 °C ... +36 °C Վաղը`+37 °C
Hay / Հայ | Рус | Eng | Tür
«Հայաստանին չվստահելու հիմքեր չկան». ՌԴ ԱԳՆ ներկայացուցիչ
12:20, 12.02.2019

ՌԴ ԱԳՆ՝ համաեվրոպական համագործակցության դեպարտամենտի ղեկավար Անդրեյ Կելինը մեկնաբանել է Եվրոմիության նախաձեռնած «Արևելյան գործընկերություն» ծրագրին Հայաստանի և Բելառուսի մասնակցությունը:

«Ըմբռնումով ենք մոտենում մեր հայ և բելառուսցի գործընկերների հետաքրքրությանն այդ ծրագրին, որը նրանք դիտարկում են իբրև Եվրոմիության հետ համագործակցության ընդլայնման հնարավորություն, այդ թվում՝ իրենց տնտեսությունների կայուն զարգացում: Հայաստանն ու Բելառուսը մեր հուսալի դաշնակիցներն են, և նրանց չվստահելու հիմքեր չկան»,- ասել է նա «Комсомольской Правда»-ի հետ զրույցում:

Ընդ որում, Կելինը նշել է, որ Ռուսաստանում մտահոգություն կա՝ կապված «Արևելյան գործընկերության» հետ, որը, նրա խոսքով, տանում է դեպի «տարանջատում» և «առաջատար-կատարող» սկզբունքով հարաբերությունների ստեղծում:

Նա նաև հավելել է, որ Ռուսաստանն աշխատում է «Արևելյան գործընկերության» շտկման վրա, և այդ հարցում նրան օգնում են Հայաստանն ու Բելառուսը:

«Արևելյան գործընկերությունը» («Eastern Partnership») Եվրոմիության ծրագիրն է, որի նպատակը նախկին ԽՍՀՄ երկրների՝ Հայաստանի, Վրաստանի, Ադրբեջանի, Բելառուսի, Ուկրաինայի և Մոլդովայի հետ ինտեգրացիոն կապերի զարգացումն է:

Տեղեկացրե՛ք Ձեր մտերիմներին
| |
դեպի վեր