Mamul.am
Ամբողջական տարբերակ
USD 485.12, EUR 546.92, RUB 6.72, GBP 605.43
+33 °C, +21 °C ... +34 °C Վաղը`+32 °C
Hay / Հայ | Рус | Eng | Tür
Արա Դանիելյանը չի պատրաստվում աշխատել Սամվել Ղումաշյանի հետ
15:40, 12.02.2019

Այսօր լրագրողներն Ավան վարչական շրջանի ղեկավար Արա Դանիելյանից հետաքրքրվեցին, թե արդյոք կիսո՞ւմ է «Լույս» խմբակցության անդամ Դավիթ Խաժակյանի մտահոգությունը, որ Սամվել Ղումաշյանը չպետք է աշխատի Ավանի համայնքապետարանում:

«Կան քրեական գործեր, կարծում եմ վճիռները կայացված են, բայց միայն Ղումաշյանը չի էնտեղ, նրա պես էլի մարդիկ կան: Ես չեմ ասում, որ պարոն Խաժակյանը սխալ բաներ է ասում»,- պատասխանեց Ա. Դանիելյանը:

Հարցին՝ «եթե նրանց գործունեությունն ավարտված է, Դուք շարունակելո՞ւ եք աշխատել նրանց հետ», համայնքապետը պատասխանեց. «Ոչ իհարկե»: Թե քանի հոգի են այդ անձինք, Ա. Դանիելյանը չմանրամասնեց, միայն ասաց, որ նմանատիպ քրեական գործերում են ներգրավված. «Դարձյալ ծեծերի են մասնակցել: Իհարկե, եթե հիմք ունենամ՝ կազատեմ, բայց առանց հիմքի համայնքային աշխատողին այսօր շատ դժվար է աշխատանքից ազատել»:

Դիտարկմանը՝ «Հայկական ժամանակ»-ի հոդվածը և լուսանկարները հիմք չե՞ն արդյոք, պաշտոնյան դժվարացավ պատասխանել՝ հավելելով, որ ընդամենը մեկ լուսանկար է տեսել, այն էլ՝ իրենց տան մոտ:

Տեղեկացրե՛ք Ձեր մտերիմներին
| |
) no-repeat center center; width:350px; height:300px; margin: 0 auto;">
դեպի վեր