Mamul.am
Ամբողջական տարբերակ
USD 475.92, EUR 527.46, RUB 7.22, GBP 578.43
+22 °C, +22 °C ... +36 °C Վաղը`+37 °C
Hay / Հայ | Рус | Eng | Tür
Չեմպիոնների լիգայի և Եվրոպայի լիգայի բոլոր հանդիպումները կմեկնարկեն 1 րոպե լռությամբ
23:40, 12.02.2019

Այս շաբաթ կայանալիք Չեմպիոնների լիգայի և Եվրոպայի լիգայի բոլոր հանդիպումները կմեկնարկեն 1 րոպե լռությամբ` ի հիշատակ արգենտինացի ֆուտբոլիստ Էմիլիանո Սալայի։ Այս մասին հայտնում է ՈՒԵՖԱ-ի մամուլի ծառայությունը։ Ֆուտբոլիստները խաղադաշտ դուրս կգան սև թևակապներով:

Հիշեցնենք՝ Նանտից Քարդիֆ մեկնելու ճանապարհին անհետացել է արգենտինացի ֆուտբոլիստ Էմիլիանո Սալային տեղափոխող մասնավոր ինքնաթիռը: Հունվարի 24-ին որոնողական աշխատանքներ իրականացնող խումբը հայտարարել է աշխատանքների դադարեցման մասին՝ նշելով, որ փրկության հույս գրեթե չկա։ Ավելի ուշ որոնողական աշխատանքները վերսկսվել են և հայտնաբերվել է ինքնաթիռի կործանման զոհ դարձած հարձակվող Էմիլիանո Սալայի մարմինը։ Այն պաշտոնապես նույնականացվել է՝ մատնահետքերի օգնությամբ։ Մեծ Բրիտանիայի ոստիկանության տեղեկություններով՝ մարմինը նույնականացրել են փետրվարի 7-ին՝ Պորտլենդում։

Տեղեկացրե՛ք Ձեր մտերիմներին
| |
դեպի վեր