Կրթության ոլորտի փորձագետ Սերոբ Խաչատրյանը Ֆեյսբուքի իր էջում գրել է. «Ուղղակի համոզված եմ, որ Վարդան Ուռուտյանին ռեկտորի պաշտոնակատար նշանակելը և հետագայում ռեկտոր ընտրելը տեղի է ունեցել ազնիվ մղումով։ Մինչև ռեկտոր դառնալը, Վարդան Ուռուտյանը եղել է ագրարային կրթության հաջողված ծրագրի մենեջեր։ Նախարարը փորձել է հաջողակ մենեջերի փորձն օգտագործել ավելի բարձր պաշտոնում։ Չեմ կարող ասել, որքանով նա կկարողանա բուհը ոտքի կանգնեցնել (դա հեշտ չէ), բայց որ նշանակումը և դրան հաջորդած ընտրությունը հիմնավորված է, դա հաստատ կարող եմ ասել»։