«Այսօրվա կառավարության առաջնային խնդիրն է ազգային շահերի դիրքից աշխարհաքաղաքական գնահատական տալ մեր հարյուրամյա անցյալին, ջախջախել ազգային անվտանգության համար սպառնալիքի վերածվող թիվ մեկ շարասյունը, երկիրը մաքրել բոլշևիկյան վարակից և նոր էջից կազմակերպել պետականության վերակերտում»,- Փետրվարյան ապստամբության կապակցությամբ բոլշևիկների կացնահարած զոհերի հուշարձանի մոտ «Սասնա ծռեր»-ի անդամների հրավիրած մամուլի ասուլիսում հայտարարեց կուսակցության համակարգող Վարուժան Ավետիսյանը: Գարեգին Չուքասզյանը հավելեց, որ 100 տարի առաջ կատարված իրադարձություններն իրենց արժանի գնահատականը չեն ստացել մեր պատմության մեջ: Շուշիի առանձնակի գումարտակի հրամանատար, «Սասնա Ծռեր» համահայկական կուսակցության պատվավոր ներկայացուցիչ Ժիրայր Սեֆիլյանն էլ, իր հերթին, երիտասարդությանը խորհուրդ տվեց մոտիկից ծանոթանալ անցյալ դարասկզբի պատմական իրողություներին, որոնք անչափ կարևոր են: Մանրամասները՝ «Սասնա ծռեր»-ի տեսանյութում: |