+14 °C, +14 °C ... +27 °C Վաղը`+26 °C
Հայաստանը մտադիր է 2019-ի վերջին կամ 2020-ի սկզբին Ռուսաստանից 4 Սու-30ՍՄ կործանիչ ստանալ. ընդհանուր առմամբ, Երևանը կցանկանար 12 այդպիսի կործանիչ ձեռք բերել: Այս մասին IDEX-2019 զենքի ցուցահանդեսի ընթացքում «РИА Новости»-ի հետ զրույցում ասել է ՀՀ պաշտպանության նախարար Դավիթ Տոնոյանը: «Շարունակում ենք այդ զենքի հերթական խմբաքանակի մատակարարումների շուրջ բանակցությունները: Ամեն ինչ կախված կլինի նրանից, թե ինչ արագությամբ կպատրաստվի տվյալ արտադրանքը. ներկրման և այլ հարցեր կան: Առաջին խմբաքանակը մտադիր ենք ստանալ այս տարի, ամենաուշը՝ հաջորդ տարվա սկզբին»,- ասել է նախարարը: Պատասխանելով լրատվամիջոցի այն հարցին, թե քանի հատ կործանիչ կցանկանար գնել հայկական կողմը, պաշտպանության նախարարը նշել է, որ խոսքը 12 հատի մասին է: Ավելի վաղ ՀՀ ՊՆ խոսնակ Արծրուն Հովհաննիսյանը լրատվամիջոցին հայտնել էր, որ Երևանը մտադիր է 4 նման կործանիչ գնել: ՊՆ-ից նաև հայտնել են, որ ռուսական կողմից նախկինում հատկացված 100 միլիոն դոլար վարկի շրջանակում գնելու գործընթացը գտնվում է իրականացման փուլում: Իսկ ավելի ուշ Դավիթ Տոնոյանը հայտնել է, որ Երևանը չի սահմանափակվի 4 կործանիչի գնմամբ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am