Այսօր՝ փետրվարի 18-ին, մահվան ելքով վրաերթ է տեղի ունեցել Արարատի մարզում: Ժամը 19:00-ի սահմաններում Mercedes մակնիշի 35 XS 570 համարանիշի ավտոմեքենայի վարորդը Դարակերտ գյուղի գլխավոր ճանապարհին վրաերթի է ենթարկել հետիոտնին: Ինչպես դեպքի վայրից հայտնում է ֆոտոլրագրող Գագիկ Շամշյանը, վրաերթի ենթարկվածը տեղում մահացել է: Մահացածի հարազատները փորձել են ավտոմեքենան հրկիզել, բայց ոստիկաններն ու քննիչները կարողացել են մահացածի հարազատների հետ ճիշտ հոգեբանական բանակցություններ վարել, և հրաժարվել են իրենց մտադրությունից: |