+17 °C, +13 °C ... +24 °C Վաղը`+27 °C
Հավաքական անվտանգության պայմանագրի կազմակերպությունը (ՀԱՊԿ) մոտակա մեկ տարում կմնա առանց գլխավոր քարտուղարի, գրում է «Коммерсант»-ը: «Ակնկալում ենք գլխավոր քարտուղարի նշանակում հաջորդ տարի: Կազմակերպությունում ընդհարում չկա, աշխատում ենք ծրագրին համապատասխան»,- պարբերականը մեջբերում է քարտուղարությունում իր աղբյուրի խոսքը: Պարբերականը նշում է, որ գլխավոր քարտուղարի նշանակման հարցը գրեթե անհնարին է դարձել ՀՀ վարչապետ Նիկոլ Փաշինյանի անզիջողականության պատճառով: Հաղորդվում է նաև, որ Երևանը կողմ է կազմակերպության իրավական հիմքի փոփոխությանը, մասնավորապես, ՀԱՊԿ գլխավոր քարտուղարի փոփոխության կանոնների հարցում: Նշենք, որ Բելառուսի թեկնածու Ստանիսլավ Զասին աջակցում են կազմակերպության 6 պետություններից 5-ը (Բելառուս, Ղազախստան, Ղրղզստան, Ռուսաստան և Տաջիկստան): Զասին չէր ընդունել միայն Հայաստանի վարչապետը: Հավելենք, որ ՀԱՊԿ գլխավոր քարտուղարի պաշտոնակատարի պարտականությունները կշարունակի կատարել Վալերի Սեմերիկովը: Ավելի վաղ Բելառուսում հույս էին հայտնել, որ Նիկոլ Փաշինյանը կհանդիպի իր թեկնածուի հետ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am