+26 °C, +14 °C ... +26 °C Վաղը`+28 °C
Ազգային ժողովի մոտ այսօր բողոքի ակցիա են իրականացրել «Ղեկը աջ» նախաձեռնության անդամները՝ նշելով, որ հինգ ամիս է սպասում են Բագրատաշենի անցակետում կուտակված ավտոմեքենաների ներկրման հարցի լուծմանը: «Այդ հարցը պետք է քննարկվեր մարտի 5-ին, սակայն չի քննարկվել, բոլոր խմբակցություններն ասել են, որ կաջակցեն, հարցը պետք է անհապաղ լուծվի՝ համ դուք պրծնեք էս խնդրից, համ մենք»,- ասում էին ԱԺ-ի մոտ հավաքված քաղաքացիները՝ նշելով, որ Բագրատաշենի անցակետում մեքենաների համար այլևս տեղ չկա։ ԱԺ փոխնախագահ Լենա Նազարյանը հանդիպելով ցուցարարներին՝ խոստացել է լուծում տալ հարցին. «Կան ընթացակարգային հստակ ժամկետներ և այդ հարցը պետք է քննարկվի համապատասխան հանձնաժողովներում, հետո նոր դրվի Ազգային ժողովի նիստի օրակարգում: Նախագիծը պետք է փուլերով անցնի և եթե հարցը հրատապ է, հնարավոր է՝ կառավարությունն արտահերթ նիստ հրավիրի, որից հետո նոր Ազգային ժողովը կհաստատի այն»,- ասել է նա: Ավելի վաղ տեղեկացրել էինք, որ Կառավարությունը տեղային լուծում էր տվել հարցին՝ թույլատրելով սահմանին կուտակված աջ ղեկով շուրջ 800 մեքենաների ներմուծումը Հայաստան: Հիշեցնենք, որ «Ղեկը աջ» նախաձեռնության անդամները բողոքում էին, որ Բագրատաշենի անցակետում և Վրաստանում կուտակված աջ ղեկերով մեքենաները չեն թույլատրում հատել սահմանը: Նրանք պահանջում էին կառավարությունից խնդրին անհապաղ լուծում տալ: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am