+24 °C, +14 °C ... +26 °C Վաղը`+28 °C
Ինչպես արդեն հայտնել ենք, Նոր Զելանդիայում ասյօր տեղի է ունեցել այդ երկրի պատմության մեջ ամենադաժան սպանդը: Միաժամանակ երկու մզկիթներում իրականացված ահաբեկչութունների զոհերի թիվն այս պահին հասել է 49-ի: Հատկանշական է, որ ահաբեկիչների զենքի պահունակների վրա տարբեր լեզուներով, այդ թվում և՝ հայերենով գրառումներ կան։ Սա պարզ երևում է նաև ահաբեկիչների տարածած տեսանյութերից։ Հայերեն, վրացերեն, ռուսերեն և այլ լեզուներով արված գրառումներում հիշատակվում են պատմական իրադարձություններ, որոնց ժամանակ մահմեդական պետությունների բանակները, մասնավորապես՝ Օսմանյան բանակը, խոշոր պարտություններ են կրել։ Հայերեն գրառումով հիշատակվում է Սարիղամիշի ճակատամարտը, որի ժամանակ հայկական կամավորական ջոկատների օժանդակությամբ Ռուսական կայսրության զորքերը 1914-1915 թվականների հունվար-դեկտեմբեր ամիսներին Սարիղամիշ քաղաքի մոտ պարտության են մատնել Օսմանյան Թուրքիայի զորքերին։ Այս կապակցությամբ ՀՀ արտաքին գործերի նախարարությունը կապի մեջ է Նոր Զելանդիայի իշխանությունների հետ՝ պարզելու համար ահաբեկիչների զենքերի վրա հայերեն գրության մանրամասները: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am