+17 °C, +15 °C ... +26 °C Վաղը`+26 °C
Հելսինկյան ասոցիացիա իրավապաշտպան ՀԿ նախագահ Նինա Կարապետյանն այսօր մամուլի ասուլիսի ժամանակ անդրադարձավ ԱԺ պատգամավոր Նաիրա Զոհարբյանի՝ մարտի 14-ին արած հայտարարությանը, թե Օպերայի հարակից սրճարանների ապամոնտաժման ժամանակ բռնի ուժ է կիրառվել ցուցարարների նկատմամբ. «Մենք միշտ եղել ենք ամենաթեժ կետերում՝ ի տարբերություն տիկին Զոհրաբյանի և ԲՀԿ-ի տարբեր պատգամավորների. խոսքը գնում է այն մասին, երբ հանցավոր ռեժիմն էր Հայաստանը զավթել և տիկին Զոհրաբյանի մասնակից կուսակցությունը հենց այդ ռեժիմի մասն էր կազմում և որևէ արձագանք չէինք ստանում նրանցից: Անկեղծորեն զարմացած եմ այդ հայտարարության վրա, որովհետև երկու օր շարունակ հետևել եմ տեղի ունեցող իրադարձություններին և մեր գնահատականը հետևյալն է. այո՛, կան որոշ անկարգ ցուցարարներ, կան որոշ չզսպված ոստիկաններ, բայց այն, ինչի մասին խոսեց տիկին Զոհրաբյանն Օպերայի տարածքում, որ բիրտ ուժ է կիրառվում... տիկին Զոհրաբյան, դուք տեղյակ չեք, թե ինչ է նշանակում բիրտ ուժ, որովհետև բիրտ ուժ կիրառելու ժամանակ դուք սեղմել եք այդ բիրտ ուժ կիրառողների ձեռքը»,- ասել է Նինա Կարապետյանը՝ խնդրանքով դիմելով Զոհրաբյանին․ «Կխնդրեմ հետայսու շատ զգույշ լինել արտահայտությունների մեջ․․․ Ո՞ւր էր տիկին Զոհրաբյանը շատ ու շատ դեպքերի ժամանակ, երբ իսկապես ցուցարարներին հետապնդում էին»,- եզրափակեց Նինա Կարապետյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am