ԱՄՆ Կոնգրես է ներկայացվել օրինագիծ, որը ենթադրում է պատժամիջոցների սահմանում ռուսների նկատմամբ, որոնք ազդեցություն ունեն Վենեսուելայի վրա: Հեղինակները կարծում են, որ ՌԴ-ն սերտորեն համագործակցում է Վենեսուելայի հետ, մասնավորապես, վարկեր է տրամադրում ու համատեղ զորավարժություններ անցկացնում: Նշվում է, որ որպես պատժամիջոց կարող է լինել ՌԴ կառավարության անունից վենեսուելական անվտանգության ուժերին աջակցող ռուսաստանցիներին վիզաներ չտրամադրելը, փոխանցում է Gazeta-ն: Հիշեցնենք՝ պաշտոնական Մոսկվան սատարում է Վենեսուելայի գործող նախագահ Նիկոլաս Մադուրոյին, որին Վաշինգթոնն անօրինական ղեկավար է համարում և վենեսուելական ճգնաժամում աջակցում է ընդդիմության առաջնորդ Խուան Գուայդոյին: |