Ինչպես հայտնել էինք, Ղազախստանի նախագահի պաշտոնակատար Կասիմ-Ժոմարտ Տոկաևն առաջարկել էր Աստանան անվանակոչել ի պատիվ Նուրսուլթան Նազարբաևի, փոխանցում է Tengrinews.kz-ը: «Անհրաժեշտ է հավերժացնել մեր մեծ ժամանակակից, երկրի առաջին նախագահ Նուրսուլթան Նազարբաևի անունը: Մեր մայրաքաղաքը պետք է կկրի նախագահի անունը և կոչվի Նուրսուլթան»,- հայտարարել էր նա: Քիչ առաջ Ղազախստանի խորհրդարանը երկրորդ ընթերցմամբ և ամբողջությամբ ընդունեց սահմանադրական այդ փոփոխությունը: Փաստաթուղթը կներկայացվի երկրի նախագահի պաշտոնակատարի ստորագրմանը: |