«Երաժշտությունը բուժիչ ուժ ունի». Էլթոն Ջոնը դարձավ 72 տարեկան
16:35, 25.03.2019 | mamul.am
2899 | 0
«Երաժշտությունը բուժիչ ուժ ունի։ Այն գոնե մի քանի րոպեով կարողանում է մարդուն հանել որոշակի հոգեվիճակից»,- համոզված է բրիտանացի երգիչ, երաժիշտ և դաշնակահար Էլթոն Ջոնը: Երգիչն այսօր նշում է ծննդյան 72-ամյակը։ 50-ամյա երաժշտական գործունեության ընթացքում նա վաճառել է ավելի քան 250 միլիոն ձայնասկավառակ, նրա սինգլներից 52-ը տեղ են գրավել բրիտանական Թոփ-40-ում, «Rolling Stone» ամսագրի կազմած աշխարհի լավագույն կատարողների ցանկում նա 49-րդ տեղում է: Բոլորովին վերջերս աշխարհահռչակ երգիչ Էլթոն Ջոնը ներկայացրեց Հայոց ցեղասպանության մասին պատմող «Խոստում» ֆիլմը: «Մանուկյանների ընտանիքի և պրոդյուսեր Էրիկ Էսրայելյանի հետ ընկերության արդյունքում ես և հիմնադրամի նախագահ Դեյվիդը ավելի շատ ենք տեղեկացել Հայոց ցեղասպանության մասին»,- ասել է Էլթոն Ջոնը: Երգիչը նշել է, որ «Խոստում» ֆիլմն արտացոլում է, թե ինչպես կարելի է հիշել անցյալի վայրագությունները և սովորել սխալների վրա:
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1: