Դերասանուհի, ռեժիսոր, սցենարիստ Թամար Հովհաննիսյանը ֆեյսբուքյան իր էջում գրել է. «Ահա արդեն երեք տարի է, որ բացահայտ քաղաքացիական դիրքորոշումս եմ հայտնում՝ «Մահ ռեժիմին» կարգախոսով։ Եվ երեք տարի վախեցել եմ, որ այդ կարգախոսը չտարածվի միայն ու միայն մեկ անձի վրա, քանի որ ռեժիմը համակագ է՝ Սահմանադրություն հարմարեցված հանցագործ խմբավորմանը, որոնք զավթել են պետական պաշտոնները ու ամեն ինչ ծառայեցնում են սեփական շահերին, կոռուպցիան, որը հենց առաջին ասածս է, հանցավոր իշխանության մեջ սերտաճած եկեղեցին ու մանավանդ բանակը, օրենսդիր ու գործադիր մարմինները, ընտրական ինստիտուտը, ընտրական օրենսգիրքը, քրեական օրենսգիրքը և այս ամենի հետ կապված ամեն բան։ Երբ սրանից մեկ տարի առաջ Հանուն Հայաստան Պետության Ճակատի անդամներ՝ Դավիթ Սանասարյանն ու Արմեն Գրիգորյանը հանդես եկան «Մերժիր Սերժին» կարգախոսով, ես ինչ որ բան կանխազգացի և Յագոյի հայտնի արտահայտությունը՝ «Սա ինձ դուր չեկավ», բարձրաձայն ասեցի ինքս ինձ։ Դա հենց այս օրերին էր։ Ամեն դեպքում մարդկային բարոյական կոդեքսը պահանջում էր, որ պառակտում չմտցնեի և իհարկե, իմ խորին հարգանքը երիտասարդների հանդեպ, թույլ չտվեց, որ չաջակցեմ և արեցի ամենը, ինչ ինձնից խնդրեցին, չթվարկեմ, անհարմար է։ Բայց ապրիլի 13-ից հետո, կարգախոսը աստիճանաբար դարձավ՝ «Քայլ արա, մերժիր Սերժին»․ իմ անհանգստությունն աճում էր, «հանուն»-ը դառնում էր մեկ մարդու դեմ կռիվ, թագավորը մեռավ, կեցցե թագավորը-ի պես մի բան։ Բառացիորեն օրը օրի ետևից ամրանում էր՝ անձին փոխարինելու մեկ այլ անձով տեսակետը։ Ոչ մի նշանակություն չունի ինչ նկարագրի տեր անձով, կարևորը, որ անձին մի այլ անձով փոխարիները փոփոխություն չէ։ Դա միայն ես չէ, որ գիտեմ ու դա այդպես է։ Մարդ արարածի բնույթն է այդպիսին։ |