+16 °C, +16 °C ... +28 °C Վաղը`+28 °C
Իրանագետ Վարդան Ոսկանյանը ֆեյսբուքյան իր էջում գրել է. «Ժամանակակից Իրանը ճիշտ ըմբռնելու համար պետք է այն դիտարկել ոչ միայն Իսլամական Հանրապետության հանրաճանաչ կաղապարի մեջ, այլ նաև դրան զուգահեռ և ոչ պակաս արդյունավետ աշխատող իրանական, ըստ էության, ազգայնական կամ կայսերական գաղափարական տիրույթում, համաձայն որի՝ Իրանի պատմական և մշակութային տևականությունն ու գերակայությունն անկասելի են նույնիսկ պատմական և մշակութային անկման փուլերում։ Այսինքն, համաձայն այդ գաղափարի, ենթադրվում է, որ Իրանը հազարամյակներ ի վեր տևական ու անընդհատ բնույթ ունեցող հասարակական, քաղաքական և մշակութային համակարգ է, որի նպատակը ոչ թե «շարքային պետության» կաղապարում գոյատևելն է, այլ առնվազն Մերձավոր Արևելքում բացառապես գերտերության կարգավիճակ ապահովելը, որի համար որպես հիմնավորում իրանցիները հաճախ դիմում են պատմությանը և մշակույթին։ Միայն այս համատեքստում կարելի է հասկանալ, թե ինչո՞ւ է, դիցուք, այս տարվա իրանական Ամանորի՝ Նովրուզի կապակցությամբ Իրանի նախագահը շնորհավորում ոչ միայն իրանցիներին, այլ նաև այդքան մեծ թվով տարածաշրջանային պետությունների, որոնցից, օրինակ՝ Հայաստանում, մարտի 21-ը պաշտոնապես չի նշվում»։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am