ՀՀ մշակույթի նախարարության աջակցությամբ և «Էխո» հաշմանդամություն ունեցող անձանց իրավապաշտպան կազմակերպության նախաձեռնությամբ՝ ս. թ. մարտի 27-ին, ժամը 19:00-ին, Արամ Խաչատրյան համերգասրահում տեղի կունենա «Նորաձևություն առանց սահմանների» խորագրով փառատոն: Փառատոնի և ցուցադրությունների ընթացքում կհնչեն սիրված երգիչների կատարումներ։ Հաշմանդամություն ունեցող երեխաները և նրանց մայրերը, արհեստավարժ անձնակազմի օգնությամբ և կազմակերպմամբ կներկայացնեն հագուստի 3 ցուցադրություն, կօգնեն պատշաճ ներկայացնել հագուստները, քայլել պոդիումի վրա։ Ցուցադրության վերջում կլինեն պարգևատրումներ։ |