Լրագրող Ոսկան Սարգսյանը ֆեյսբուքյան իր էջում գրել է. «Հայաստանում որևէ ոլորտում քայլ չի արվում, մինչև Նիկոլ Փաշինյանը չի զբաղվում այդ հարցով։ Մինչդեռ կառավարությունը պետք է ժամացույցի նման, մեխանիզմի պես գործի, նախարարներից յուրաքանչյուրն ամենօրյա աշխատանք կատարի իրեն վերապահված ոլորտում, նախարարությունների միջև համակարգում լինի, ոչ թե՝ աջ ձեռքը չիմանա, թե ինչ է անում ձախը։ Լավ զորավարը Վարդան Մամիկոնյանի նման ինքը չի կռվում փղերի դեմ, այլ Կուտուզովի նման նստում է բլրին, հրամաններ տալիս, մարտը ղեկավարում։ Սերժ Սարգսյանն ամենափոքր հարցերը՝ դպրոցի տնօրենի նշանակում, մեկին բնակարանի նվիրում, անձամբ էր լուծում։ Վերջում այնքան հոգնեց, որ ի վիճակի չեղավ երկիրը ղեկավարելու։ Պատմությունը կարծես կրկնվում է»։