Mamul.am
Ամբողջական տարբերակ
USD 481.98, EUR 542.18, RUB 7.56, GBP 626.09
+5 °C, +1 °C ... +10 °C Վաղը`+13 °C
Hay / Հայ | Рус | Eng | Tür
«Մեծ ցավ ապրեցի». Անահիտ Թարխանյան
17:55, 15.04.2019

Ճարտարապետ, հասարակական գործիչ Անահիտ Թարխանյանը ֆեյսբուքյան իր էջում գրել է․ «Երեկ Եղեռնի հուշահամալիրի տարածքում էի․ մեծ ցավ ապրեցի, երբ տեսա թե ինչ վիճակում են գտնվում հուշարձանի դիմացի՝ ի հիշատակ Եղեռնի անմեղ զոհերի, բազմաթիվ պետությունների ղեկավարների կողմից որպես հարգանքի նշան տնկված եղևնիները։ Մեծ մասը հիվանդ էին, չորացած, ասեղիկները դեղնած և թափված։ Մյուս խնդիրը, որ ուզում եմ անդրադառնալ, այն է, որ Ծիծեռնակաբերդի այգում գտնվող ծառերի մի մասը՝ երկար տարիներ չմշակելու և չոռոգելու հետևանքով՝ չորացած են, մի մասը՝ հիվանդ, որոշ հատվածներում ծառերի փոխարեն առաջացել են խղճուկ թփուտներ։ Այգին, որ ծառերի քանակով խորհրդանշում էր 1915 թ․ զոհված հայերի թիվը, օր-օրի վերածվում է «անապատի»։
Այն գումարները, որ միշտ հատկացվել են այս տարածքի կանաչապատման համար, ինչպես միշտ չեն ծառայել իրենց նպատակին։ Կարծում եմ, քաղաքապետարանը՝ օր առաջ, պարտավոր է զբաղվել այս տարածքի վերականգնմամբ։
Ինչ վերաբերում է ոռոգման ջրի պակասին, ներքևում Հրազդան գետն է, Ծիծեռնակաբերդի բլրի լանջին տեղադրելով արևային պանելներ, կարելի է աշխատեցնել պոմպեր և ջուրը գետից մղել դեպի այգու կենտրոն՝ առանց էլեկտրաէներգիայի հավելյալ ծախսի»։

Տեղեկացրե՛ք Ձեր մտերիմներին
| |
դեպի վեր