Փարիզի՝ կրակի ճարակ դարձած Աստվածամոր տաճարի տանիքն ամբողջությամբ փլվել է: Փլվել է նաև աշտարակը: Տեղի հեռուստաընկերություններով արդեն գուժում են, որ ավելի քան 850-ամյա պատմություն ունեցող տաճարը կորսված է Ֆրանսիայի և ամբողջ աշխարհի համար: Նշենք, որ ամենայն հավանականությամբ, կրակն սկսվել է շինարարական փայտամածների հատվածից: Տաճարում ապրիլի սկզբից սկսվել էին վերանորոգման աշխատանքները: Տուժածների մասին տվյալներ չկան, տաճարում գտնվողները տարհանվել են հրդեհի ահազանգի միացումից րոպեներ անց: |