ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +5 °C ... +16 °C Վաղը`+20 °C
«Չգիտեմ՝ ինչն է բարգավաճականներին վրդովվեցրել». Հայկ Սարգսյան
02:15, 19.04.2019 | mamul.am
3687 | 0

«Չգիտեմ՝ ինչն է բարգավաճականներին վրդովվեցրել: Ես ասել եմ, որ ժամանակն է հասկանանք՝ մեզ ինչն է ավելի շատ ձեռնտու որպես պետություն՝ ունենալ աշխատատեղե՞ր, թե ունենալ ավելի մատչելի ցեմենտ»,- այսօր լրագրողների հետ զրույցի ժամանակ ասել է «Իմ քայլը» խմբակցության պատգամավոր Հայկ Սարգսյանը՝ անդրադառնալով Իրանից ցեմենտի ներմուծման շուրջ ծավալվող քննարկումներին:

«Դրանից որոշ պատգամավորներ ենթադրել են, որ ես նկատի ունեմ, թե իրենց աշխատողներին պետք է հեռացնեն, և այլևս արտադրությամբ չզբաղվեն, այլ ներմուծմամբ զբաղվեն: Իմ հարցադրումը ենթադրում էր, որ մենք պետք է ունենանք մատչելի ցեմենտ մեր շուկայում: Պետք է ունենանք նաև տեղական արտադրող, դա նաև պայմաններից մեկն է, որ ունենանք էժան ցեմենտ Հայաստանում, որովհետև եթե չունենանք արտադրություն, մեր հարևան երկրները շատ արագ ցեմենտի գինը կբարձրացնեն: Ե՛վ ներմուծման, և՛ արտադրության դեպքում՝ հնարավոր է ունենալ մատչելի ցեմենտ, ինչի ապացույցն այն է, որ երբ սկսեց իրանական ցեմենտը մտնել Հայաստան, ցեմենտի գինը նվազեց 10 հազար դրամով»,– ասել է պատգամավորը։

Կիսվի՛ր այս նյութով՝
դեպի վեր