Ադրբեջանի ԱԳՆ մամլո քարտուղար Լեյլա Աբդուլլաևայի խոսքերով, եթե Հայաստանը բանակցային գործընթացում առաջ է քաշում անկեղծությունն ու վստահությունը, ապա երկու երկրները համատեղ պետք է աշխատեն փոխադարձ վստահության ստեղծման ուղղությամբ: Այս մասին հաղորդում է Haqqin.az-ը:

Ադրբեջանի ԱԳՆ-ն Հայաստանի ԱԳՆ-ին կոչ է արել միանալ «3+2» ձևաչափով հայտարարություններին և աջակցել ԵԱՀԿ ՄԽ համանախագահների գործունեությանը: «Այդ հայտարարությունները վստահաբար խթանում են երկու երկրներին խաղաղությանը նախապատրաստելու անհրաժեշտությանը: ՀՀ ղեկավարությունը պետք է հասկանա, որ ստատուս քվոն անընդունելի է, անկայուն, և այդ գործընթացը չի կարող հավերժ շարունակվել»,- հավելել է Ադրբեջանի ԱԳՆ մամլո քարտուղարը: