Այսօր ՀՀ վարչապետ Նիկոլ Փաշինյանը ուղիղ եթերի ժամանակ պատասխանում է քաղաքացիների հարցերին: Նախքան քաղաքացիների հարցերին անցնելը՝ նա անդրադարձավ մի քանի կետերի, որոնք իր թիմը խոստացել էր կատարել իշխանության գալու ժամանակ. «Սաշիկի արագաչափերի մասով, որ ես այն ժամանակ հայտարարել եմ, Սաշիկի արագաչափերի բոլոր չվճարված տուգանքները պետք է զրոյացվի, արդյո՞ք մենք արել ենք սա. իհարկե, արել ենք, մենք համաներում ենք իրականացրել, որի արդյունքում 13 միլիարդ դրամ քաղաքացիների ունեցած այդ գումարները ներվեցին, սա հստակ, 100%-ով կատարվել է»,- ուղիղ եթերի ժամանակ ասաց ՀՀ վարչապետը:

Անդրադառնալով ՀՀ-ում տնտեսական հարաբերություններին, մենաշնորհների վերացմանը՝ վարչապետը ասաց. «Այս խոստումը 100%-ով կատարվել է և այսօր Հայաստանում որևէ մեկը չի կարող ասել, որ ինքը ունի մենաշնորհ»,- ասաց Փաշինյանը: