Սուդանում շարունակվող ցույցերի պայմաններում Սաուդյան Արաբիան ու ԱՄԷ-ն 3 մլրդ դոլարի օգնություն են ուղարկել ռազմական խորհրդին: Աս մասին հաղորդում է Euronews-ը: Պետական լրատվական գործակալությունների հաղորդմամբ, երկու երկրները Սուդանի կենտրոնական բանկում 500 մլն դոլար կներդնեն, մնացած օգնությունն էլ սննդամթերքի, դեղորայքի ու նավթամթերքի տեսքով կուղարկեն: «Սա կամրապնդի Սուդանի ֆինանսական դիրքը, կնպաստի ազգային փոխարժույթի կայունության բարձրացմանը», - նշված է Սաուդյան Արաբիայի մամլո ծառայության հայտարարության մեջ: Ծոցի երկու երկրներին կապում է Սուդանի անցումային ռազմական խորհրդի ղեկավար Աբդել Ֆաթթա ալ Բուրհանի և նրա տեղակալ Մուհամեդ Համդան Դագալոյի մասնակցությունը Եմենում պայքարող Սաուդյան կոալիցիային: Սուդանում տնտեսական ճգնաժամ է, ինչը հանգեցրել է հացաբուլկեղենի խանութներում և բենզալցակայաններում հերթերի գոյացմանը: Փողոցում հավաքված ցուցարարները շարունակում են պայքարել իշխանությունը ժողովրդի կառավարությանը հանձնելու համար՝ վստահեցնելով, որ պահանջի չբավարարման դեպքում որևէ մեկը չի կարող իրենց ստիպել տուն վերադառնալ: |