Այսօր առողջապահության նախարար Արսեն Թորոսյանը իր դստեր՝ Նարեի հետ ֆեյսբուքյան ուղիղ եթերի ժամանակ հայտարարեց Իմունիզացիայի համաշխարհային շաբաթի մասին: Եթերի ընթացքում նա կոչ արեց ՀՀ քաղաքացիներին պատվասվել՝ հնարավոր բոլոր վարակներից խուսափելու համար:
«Ուզում ենք հատուկ շեշտել, որ պատվաստանյութերը կոլեկտիվ են պաշտպանում: Այսինքն՝ մեզ պետք են շատ-շատ պատվաստված մարդիկ, որ բոլորս պաշտպանված լինենք: Ավելին՝ պատվաստվելով մենք նաև պաշտպանում ենք մեր մյուս ընկերներին, ովքեր ունեն պատվաստումների հակացուցումներ, օրինակ՝ բնածին իմունիտետով ծնված երեխաները: Ես ու Նարեն կոչ ենք անում բոլորին պատվաստվել և պաշտպանված լինել վտանգավոր վարակներից»,- ասաց նախարարը: