Երևանի ավագանու այսօրվա նիստում Բաղրամյան 26 հասցեում գտնվող Հանրապետության նախագահի նստավայրը «Հանրապետության տուն» անվանակոչելու մասին հարցը հանվեց օրակարգից: «Հարցը հանում եմ օրակարգից, քանի որ գտնում եմ, որ այն վերաբերում է ոչ միայն քաղաքին, այլև ողջ հանրապետությանը։ Այստեղ ավելի լայն քննարկում է պետք։ Երբ տեղի կունենան այդ հանրային քննարկումները, նորից կանդրադառնանք այս հարցին»,- ասաց քաղաքապետ Հայկ Մարությանը։ «Լույս» խմբակցության քարտուղար Անի Խաչատրյանի կողմից ներկայացած՝ «Իրինա Ռոդնինայի գեղասահքի մարզադպրոց» ոչ առևտրային կազմակերպությունն անվանափոխելու և կանոնադրության մեջ փոփոխություն կատարելու մասին հարցը նույնպես հանվեց օրակարգի նախագծից։ |