Պեկինում կայացել է Ռուսաստանի ու Ադրբեջանի նախագահների հանդիպումը: Այս մասին հրապարակել է Կրեմլի պաշտոնական կայքը: Պուտինը նշել է, որ երկու երկրների միջև առևտրաշրջանառությունը կազմում է 2,5 մլրդ դոլար: Ալիևը խոսել է էներգետիկ, գյուղատնտեսական և հումանիտար օգնության ոլորտներում համագործակցության մասին: Կրեմլի ղեկավարը նաև հայտնել է, որ օգոստոսին Մոսկվայում կհանդիպեն Ռուսաստանի, Ադրբեջանի և Իրանի առաջնորդները: Հանդիպմանը քննարկվել է նաև ԼՂ հարցը: Վլադիմիր Պուտինը նշել է, որ Ռուսաստանը, որպես ԵԱՀԿ Մինսկի խմբի համանախագահ երկիր, կշարունակի ջանքեր գործադրել հակամարտության լուծման համար: |