Վերջին օրերին քաղաքական անցուդարձում գլխավոր թեմաներից մեկը Ծառուկյանին պատկանող «Արարատցեմենտ»-ի շուրջ ծավալվող և զարգացող թեման է։ Ըստ քննարկումների, պարզ է դառնում, որ այս թնջուկը խորքային է և լուրջ հետևանքներ կունենա Ծառուկյանի համար։ Ասում են՝ իշխանությունները շրջանառության մեջ են դրել այն տեղեկատվությունը, որ երկար տարիներ Գ. Ծառուկյանը ցեմենտ է վաճառել Վրաստանին՝ մոտ 24.000 դրամով, իսկ Հայաստանում՝ 50.000-60.000 դրամով։ Ասում են նաև, որ իշխանություններն այս քայլով փորձել են նախապես Ծառուկյանի թիմին և ծառուկյանապաշտներին զգուշացնել, որ, այս թեմայով ավելորդ շահարկումների, կամ աշխատանքից զրկվող քաղաքացիների անունից իշխանությանը հայհոյելու դեպքում, շրջանառության մեջ կդնեն այլ տեղեկություններ, որոնք ծայրահեղ ծանր հետևանք կունենան Գ. Ծառուկյանի և նրա թիմի ապագայի համար։ |