+15 °C, +14 °C ... +26 °C Վաղը`+25 °C
Netfix ընկերությունը «Խելահեղ հարուստ ասիացիները» կատակերգության հեղինակ պրոդյուսերական ընկերության հետ համատեղ որոշել է սերիալ նկարահանել թայլանդական քարանձավում արգելափակված դպրոցականների մասին: Ինչպես ավելի վաղ հայտնել էինք, Թայլանդում գտնվող՝ աշխարհի ամենաերկար քարանձավներից մեկում ջրհեղեղի պատճառով արգելափակվել էր ֆուտբոլի երիտասարդական հավաքականի կազմը: Հատկանշական է, որ երիտասարդ մարզիչը, ով օրեր շարունակ իր ուտելիքը տվել էր երեխաներին ու նրանց օգնել ողջ մնալ, առանց ծնողներին նախազգուշացնելու էր երեխաներին տարել քարանձավ: Դեռ քարանձավում նա նամակ էր գրել ու սուզակների հետ վերև ուղարկել: Նամակում նա ներողություն էր խնդրում ծնողներից: 18 օր տևած միջազգային լայնածավալ օպերացիայի արդյունքում վերջապես բոլոր արգելափակվածները՝ 12 երեխաներն ու նրանց մարզիչը, կարողացել են դուրս գալ Թհամ Լուանգ քարանձավից անցյալ տարվա հուլիսին: Այս իրադարձության մասին այս մի քանի ամսվա ընթացքում գրվել են տասնյակ գրքեր աշխարհի տարբեր լեզուներով և ստորագրվել է ֆիլմ նկարահանելու մի քանի պայմանագիր: Հավելենք, որ երեխաների փրկության բարդագույն օպերացիայի ժամանակ թթվածնի պակասից մահացել էր փորձառու փրկարար-զինվորական: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am