Արմավիրի մարզի Ծաղկունք գյուղում այս տարի բնադրած արագիլների զույգը դարձել է գյուղի այցեքարտերից մեկը: Արագիլները որոշել են նոր բույն չսարքել, այլ տեղավորվել արագիլների խրտվիլակի համար սարքած բնում: Նախօրոք պատրաստված այդ բնում տեղադրված են եղել մայր արագիլի և նրա 2 ձագերի մետաղական խրտվիլակները: Գյուղացիներին զարմացրել է այն հանգամանքը, որ արագիլների զույգը, բնից հրելով, ցած է նետել մայր արագիլի խրտվիլակը, սակայն ձեռք չի տվել ձագերի խրտվիլակներին: Այժմ արու և էգ արագիլները հերթով գնում են կեր հայթայթելու և պատրաստվում են իրենց ձագերի լույս աշխարհ գալուն: |