+23 °C, +14 °C ... +27 °C Վաղը`+28 °C
Ինչպես տեղեկացրել էինք, ՀՀ վարչապետ Նիկոլ Փաշինյանը այսօր հանդիպել է ռուսական առաջատար ԶԼՄ-ների ներկայացուցիչների հետ: Նիկոլ Փաշինյանը հայտարարել է, որ արցախյան հակամարտության կոնֆլիկտի սրացման գոտին իսլամիստների համար կարող է դառնալ «շատ լավ առիթ, որ հաստատվեն, օրինակ՝ Ադրբեջանում»: Գրում է Lenta.ru-ն: Նրա խոսքով՝ Սիրիայում և Իրաքում ԻՊ-ի զինյալների պարտությունից հետո իսլամիստները «փնտրում են նոր վայրեր, որտեղ կկարողանան իրենց դրսևորել»: Ինչպես հաստատում է Փաշինյանը՝ Ադրբեջանը շատ հարմար կետ է, որը թույլ է տալիս գործել Իրանի, Հարավային Կովկասի և Կենտրոնական Ասիայի ուղղություններով: Այդ պատճառներով՝ Արցախում իրավիճակի սրման հաջորդ փուլը, Փաշինյանի կարծիքով, արդեն տեղային բնույթ չի կրի: Նրա խոսքով՝ այս մասին մտորումներ առկա են ոչ միայն Երևանում, այլև Մոսկվայում, Բաքվում և Թեհրանում: Փաշինյանը վստահություն է հայտնել, որ Ռուսաստանը հետաքրքրված է արցախյան հակամարտության խնդրով և կդառնա երաշխավորը, որ այս հարցը լուծվի «բացառապես խաղաղ ճանապարհով»: Նրա խոսքով` Ռուսաստանն ունի բոլոր անհրաժեշտ լծակները, որոնք թույլ չեն տա նոր էսկալացիաներ: «Եվ ես չեմ կարող հավատալ, որ երբ անհրաժեշտ լինի, ռուսները չեն օգտագործի այդ լծակները»,- ընդգծել է Նիկոլ Փաշինյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am