Սահմանափակվել է Huawei սմարթֆոնների նոր նմուշների Google-ի որոշ հավելվածներ մուտք գործելու հնարավորությունը: Այս մասին հաղորդում է BBC-ն: Այս գործընթացը սկսվել է Թրամփի վարչակազմի հայտարարությունից հետո, որով Huawei-ն ներառվել է այն կազմակերպությունների ցուցակում, որոնց հետ, արտոնագրի բացակայության պայմաններում, ամերիկյան առևտրային ընկերությունները չեն կարող համագործակցել: Google-ը, մեկնաբանելով տեղի ունեցածն, ասել է, որ «հետևել է կարգին ու վերանայել հետևանքները»: Huawei-ն հերքել է այս մեկնաբանությունը: Ներկայիս Huawei սմարթֆոնները կարող են շարունակել օգտվել Android-ի ամբողջական փաթեթից: Նոր սմարթֆոնները չեն կարողանա մուտք գործել մի շարք հավելվածներ, ինչպիսիք են` YouTube-ը և Maps-ը: Բեն Վուդը, CCS Insight-ի խորհրդատվությունից, ասել է, որ Google-ի քայլը «մեծ ազդեցություն կունենա Huawei-ի սպառողական բիզնեսի վրա»: |