Մոտ 2 ժամ առաջ Տավուշի մարզի Բերդի խոշորացված համայնքում տեղացած ուժգին կարկուտը հողին է հավասարեցրել գյուղացու աշխատանքը: 15 րոպե անդադար տեղացած կարկուտից հետո Չինչինում, Վերին Կարմիրում, Վերին Ծաղկավանում, Բերդում, Չորաթանում և այլ գյուղերում ծառերին միայն հատուկենտ տերևներ են մնացել, մշակաբույսերը հողին են հավասարեցվել: «Էսքան ներդրումը, աշխատանքը, հույսերը՝ 15 րոպեում զրո դարձան: Փող ենք տվել, սածիլ առել, սերմացու առել, ո՞վ պիտի փոխհատուցի՝ ոչ մեկ»,- MAMUL.am-ի թղթակցի հետ զրույցում ասաց կարկուտից գրեթե ամեն տարի տուժող Չինչին գյուղի բնակչուհին:- «Անգամ հաղարջի մի հատիկ չի մնացել, ոչ խնձոր, ոչ տանձ, ոչինչ»:

Բերդի տարածաշրջանում հակակարկտային կայանքներ չկան: «Աստծո հույսին թողնված մարդիկ ենք»,- բողոքում են գյուղացիները: