ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Բոլոր նրանք, ովքեր հանցագործություններ են արել, պետք է նստեն». Վլադիմիր Կարապետյան
00:50, 21.05.2019 | mamul.am
8784 | 0

«Բոլոր նրանք, ովքեր հանցագործություններ են արել, պետք է նստեն շատ արագ ու շատ երկար ժամկետներով: Հենց դրանում կլինի հաշտեցումը իշխանության և ժողովրդի միջև»,- ասել է ՀՀ վարչապետ Նիկոլ Փաշինյանի մամուլի խոսնակ Վլադիմիր Կարապետյանը՝ անդրադարձ կատարելով անցումային արդարադատությանը:

Հանրային հեռուստաընկերության եթերում նա ընդգծել է, որ ժողովրդի պահանջն է, որ «կրիմինալը, գողերը, ավազակները, ով որ թալանել է երկիրը 20 տարի շարունակ» հայտնվեն բանտում. «Այ, դա կլինի ամենաճիշտ հաշտեցումը»,- ընդգծել է նա:

Հարցին, թե ի՞նչ արագությամբ կընթանան այսօրվա ներկայացրած բարեփոխումները՝ մամուլի խոսնակը նշել է. «Այսօր վարչապետը կրկին հաստատեց, որ որևէ միջամտություն դատական իշխանության որոշումների վրա չի լինելու: Միևնույն ժամանակ երկիրը արագընթաց զարգացման կարիք ունի, և մենք տեսնում ենք, որ խոչընդոտը հենց արդարադատության համակարգն է: Տրվեցին համապատասխան հանձնարարականներ: Կարծում եմ, որ այսօրվա հանդիպումից հետո շատ արագ գործադիրը կմշակի և կներակայցնի որոշակի փաթեթ, որը, քննարկվելով լայն հասարակության շրջանում, ՀԿ-ների հետ, արագ կընդունվեն և կստանան օրենքի ուժ»:

Մանրամասն` տեսանյութում:

Կիսվի՛ր այս նյութով՝
դեպի վեր