Ուկրաինայի Գերագույն Ռադայի արտահերթ ընտրությունները կկայանան հուլիսի 21-ին: Այս մասին հայտարարել է Ռադիկալ կուսակցության առաջնորդ Օլեգ Լյաշկոն՝ խորհրդարանի խմբակցությունների ղեկավարների և նախագահ Վլադիմիր Զելենսկու միջև տեղի ունեցած հանդիպումից հետո։ Այս մասին հաղորդում է «Страна»-ն։ «Հրամանագիրը վաղը կլինի: Ընտրությունները՝ հուլիսի 21-ին»,- ասել է Լյաշկոն՝ ավելացնելով, որ Զելենսկին Ռադայի նախագահ Անդրեյ Պարուբիյին կառաջարկի խորհրդարանի արտահերթ նիստ հրավիրել՝ Ընտրական նոր օրենսգիրքը քննարկելու համար: Իր հերթին, Ռադայի փոխնախագահ Իրինա Գերարաշվոն պարզաբանել է, որ ընտրությունները տեղի կունենան հուլիսի 21-ին կամ 28-ին: Նախագահը ընտրությունների համար կընտրի կիրակի օրերից մեկը: |