Mamul.am
Ամբողջական տարբերակ
USD 477.83, EUR 535.70, RUB 7.43, GBP 601.49
+27 °C, +20 °C ... +30 °C Վաղը`+29 °C
Hay / Հայ | Рус | Eng | Tür
«Դուք հայրենասիրության վառ օրինակ եք մատաղ սերնդի համար». վարչապետը շնորհավորել է Կոմանդոսին
20:25, 22.05.2019

ՀՀ վարչապետ Նիկոլ Փաշինյանը շնորհավորել է Արկադի Տեր-Թադևոսյանին ծննդյան առթիվ:

«Հարգելի պարոն Տեր-Թադևոսյան,

Հայաստանի Հանրապետության կառավարության և անձամբ իմ անունից ջերմորեն շնորհավորում եմ Ձեզ ծննդյան 80-ամյա հոբելյանի առթիվ:

Ձեր անցած ուղով, գործունեությամբ, հայրենի երկրին մատուցած ծառայություններով ու նվիրվածությամբ հայ ժողովրդի շրջանում վայելում եք մեծ սեր և հարգանք: Անգնահատելի է արցախյան ազատամարտում, մասնավորապես, Շուշիի ազատագրման և մեր մյուս հաղթանակների կերտման գործում Ձեր ավանդը:

Դուք հայրենասիրության վառ օրինակ եք մատաղ սերնդի համար և ուրախ եմ, որ այսօր էլ շարունակում եք ակտիվ գործունեությունը՝ Ձեր ունեցած փորձով, գիտելիքներով ու խորհուրդներով նպաստելով մեր հայրենիքի պաշտպանական համակարգի զարգացմանն ու արդիականացմանը:

Եվս մեկ անգամ շնորհավորելով նշանակալի հոբելյանի առթիվ՝ մաղթում եմ Ձեզ քաջառողջություն և անսպառ եռանդ»,- ասված է հաղորդագրության մեջ:

Տեղեկացրե՛ք Ձեր մտերիմներին
| |
դեպի վեր