Mamul.am
Ամբողջական տարբերակ
USD 477.53, EUR 539.47, RUB 7.57, GBP 604.41
+28 °C, +21 °C ... +34 °C Վաղը`+34 °C
Hay / Հայ | Рус | Eng | Tür
Մեկնարկել են Եվրոպական խորհրդարանի ընտրությունները
15:30, 23.05.2019

Նիդերլանդները դարձել է ԵՄ-ի առաջին երկիրը, որտեղ սկսվել են Եվրոպական խորհրդարանի ընտրությունները: Deutsche Welle-ի հաղորդմամբ, առավոտյան 5:00-ից Ամստերդամի օդանավակայանում բացվել է առաջին ընտրատեղամասը: Նիդերլանդներում մոտ 13 մլն մարդ քվեարկությանը մասնակցելու իրավունք ունի: Ընտրատեղամասերը փակվելու են 21:00-ին: Ընտրությունների արդյունքները կհրապարակվեն կիրակի, երբ ավարտվեն նաև ԵՄ-ի մյուս երկրներում անցկացվող ընտրությունները: Հինգշաբթի Եվրոպական խորհրդարանի ընտրությունները կանցկացվեն նաև Մեծ Բրիտանիայում՝ չնայած այն հանգամանքին, որ այդ երկիրը պատրաստվում է դուրս գալ ԵՄ-ի կազմից: Ուրբաթ ընտրություններին կմասնակցեն նաև Իռլանդիայի և Չեխիայի բնակիչները, իսկ մայիսի 25-ին՝ Լատվիայի, Մալթայի և Սլովակիայի քաղաքացիները: ԵՄ անդամ մյուս երկրներում ընտրություններն անցկացվելու են մայիսի 26-ին: ԵՄ-ի 28 երկրներում ընտրելու իրավունք ունի 426 մլն քաղաքացի:

Տեղեկացրե՛ք Ձեր մտերիմներին
| |
դեպի վեր