Կադաստրի կոմիտեի ֆեյսբուքյան էջում գրված է. «Հանրային քննարկման է դրված Բաղրամյան 26 շենքը «Հանրապետության տուն» կոչելու նախագիծը. Երևանի քաղաքապետարանը հանրային քննարկման է դրել Երևանի Բաղրամյան պողոտայի 26/1 հասցեում գտնվող՝ Հանրապետության նախագահի նստավայրը «Հանրապետության տուն» անվանակոչելու մասին Երևանի քաղաքապետարանի ավագանու որոշման նախագիծը (https://www.e-draft.am/projects/1709/about): Հաշվի առնելով, որ Կադաստրի կոմիտեն նաև աշխարհագրական անվանումների բնագավառի պետական կառավարման լիազոր մարմինն է՝ նախագիծն ուղարկվել է նաև Կոմիտե, որն առաջարկել է հարցը դնել հանրային, ինչպես նաև ՀՀ աշխարհագրական օբյեկտների անվանակոչումների և անվանափոխումների մասնագիտական հանձնաժողովում քննարկման։ Անվանակոչման խնդրանքով քաղաքապետարան է դիմել ՀՀ նախագահի աշխատակազմի ղեկավարը։ Ծրագրվում է շենքի դահլիճներում, ինչպես նաև հարակից տարածքներում, իրականացնել մշակութային իջոցառումներ, այդ թվում՝ համերգներ, ցուցահանդեսներ, շնորհանդեսներ»: |