+10 °C, +10 °C ... +26 °C Վաղը`+27 °C
«Քանի որ դատական համակարգը ունի նոր գործառույթ, նոր ֆունկցիոնալ կառուցվածք այն իմաստով, որ Հայաստանում 2015-ի հայտնի կասկածահարույց հանրաքվեից հետո Սահմանադրությամբ ձևավորվեց Բարձրագույն դատական խորհուրդը, որը անկախ դատական մարմին է, որի անդամների մի մասը նշանակվում է Խորհրդարանի մի մասը՝ դատավորների ընդհանուր ժողովի կողմից, այդքանով կարելի է ասել, որ ԲԴԽ-ն հաշվետու է մի մասով խորհրդարանին»,- Հանրայինի եթերում ասել է ԱԺ «Իմ քայլը» խմբակցության պատգամավոր Թագուհի Թովմասյանը: Հարցին, թե դա չի՞ դիտվի որպես ճնշում դատական համակարգի վրա, Թովմասյանը նշել է. «Մենք միայն օգնելու ենք միմյանց: Գագիկ Հարությունյանը անցած տարի հոկտեմբերին ասել է՝ մենք ունենք դատարաններ, չունենք արդարադատություն: Բա մենք չիմանա՞նք՝ ինչու չունենք արդարադատություն: Դա ասում է մի մարդ, ով ի պաշտոնե պարտավոր է զբաղվել դատարանների անկախությամբ»: Նրա խոսքով՝ օրենքի կոնկրետ դրույթներ կան, որոնք «կարված են» միայն մեկ անձի համար, նրանց թվին է պատկանում նաև ԲԴԽ նախագահ Գագիկ Հարությունյանը. «Մարդը ունի անձնական օգտագործման օրենսգիրք: Մնում էր այդ օրենքում գրեին՝ Գագիկ Հարությունյանը ստանում է էսքան աշխատավարձ»,- եթերի ժամանակ ասել է Թովմասյանը: Առավել մանրամասն՝ տեսանյութում: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am