+21 °C, +14 °C ... +27 °C Վաղը`+28 °C
Աննա Հակոբյանն Ալմաթիում մասնակցել է Եվրասիական մեդիա ֆորումին, որի շրջանակներում էլ պատասխանել է ԼՂ հակամարտությանն առնչվող ադրբեջանցի լրագրողի հնչեցրած հարցին: Լրագրողը հարցրել է, թե ինչպես է վարչապետն իր որդուն ծառայության ուղարկել Արցախ, այն դեպքում, երբ այն միջազգայնորեն չի ճանաչվել որպես Հայաստանի տարածք: Ադրբեջանցին ցանկացել է շարունակել, բայց նրան հատկացված ժամանակն սպառվել է ու խոսափողն անջատել են: «Ես այստեղ եմ որպես կին և մայր և իմ կոչը, ուղերձս հղում եմ որպես կին և մայր: Ես ուզում եմ ասել, որ պատերազմը դեռ ավարտված չէ, այդ պատճառով էլ մեր որդին ծառայում է Լեռնային Ղարաբաղի բանակում»,- ասել է Աննա Հակոբյանը՝ ավելացնելով, որ կողմերը պետք է մտածեն պատերազմը բանակցությունների միջոցով կարգավորելու մասին: Հակոբյանը նաև հիշեցրել է, որ 2016թ. հենց ադրբեջանցիներն են սանձազերծել ապրիլյան պատերազմը, որի հետևանքով երկու կողմերից էլ հարյուրավոր երիտասարդներ են զոհվել: Ընդգծելով Իլհամ Ալիևի թշնամական ուղերձներն ու ելույթները՝ վարչապետի կինը նշել է, որ պետք է հրաժարվել ատելությունից: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am