ԱԺ պաշտպանության և անվտանգության հարցերի մշտական հանձնաժողովի նիստում «Լուսավոր Հայաստան» խմբակցության ներկայացրած «Գնումների մասին» նախագծի քննարկման ժամանակ վիճաբանություն սկսվեց «Իմ քայլը» և «Լուսավոր Հայաստան» խմբակցությունների պատգամավորների միջև. «Ես ասում եմ, որ Դուք պոպուլիստ եք, պարոն Գորգիսյան և այստեղ պոպուլիզմով եք զբաղվում»: Գևորգ Գորգիսյանը հանձնաժողովի նախագահ Անդրանիկ Քոչարյանին մեղադրեց կանոնակարգին չհետևելու համար: Վիճաբանությունը շարունակվեց փոխադարձ վիրավորանքերով. «Էս ի՞նչ խոսելաձև ա, ի՞նչ ա նշանակում՝ քֆուր կանեմ, Դուք կարող ա՞ գիտեք փողոցում եք գտնվում կամ «Լուսավոր Հայաստանի» գրասենյակում... Այո, ընդմիջում հայտարարեք պարոն Քոչարյան, թող դուրս գա քֆուր անի, հանգստանա, հետ գա»,- ասաց Քրիստինե Պողոսյանը: Նշենք, որ այս նախագծով ԼՀԿ-ն առաջարկում է գաղտնազերծել պաշտոնատար անձանց համար անհրաժեշտ ռազմական տեխնիկայի, սպառազինության, ռազմատեխնիկական միջոցների, արարողակարգային ծախսերի, կեցության, սննդի և տրանսպորտային սպասարկման ապահովման համար անհրաժեշտ ապրանքների և ծառայությունների գնումները: Քվերակության արդյունքում նախագիծը մերժվեց: |